Dobra gjen golin në Angli
Armando Dobra vazhdon të shkëlqejë në Angli, shënon gol vendimtar për Çesterfild
Armando Dobra vijon të tregojë formë të shkëlqyer me fanellën e Çesterfild, duke u bërë protagonist në rezultate të rëndësishme për skuadrën e tij në kategorinë e katërt angleze.
Në ndeshjen e sotme ndaj Uimbëlldonit, Dobra ishte heroi i ekipit, duke shënuar golin e vetëm dhe vendimtar që në minutën e tretë. Pas një harkimi të saktë nga e djathta, sulmuesi shqiptar realizoi me një goditje fluturimthi, duke çuar topin drejt në trekëndëshin e portës kundërshtare.
Ky gol i dha Çesterfildit fitoren 1-0 dhe tre pikë jetike, duke e rikthyer ekipin në zonën play-off për ngjitjen në një kategori më të lartë. Performanca e Dobras po konfirmon rolin e tij kyç në suksesin e skuadrës, duke u bërë një lojtar i pazëvendësueshëm.
#ArmandoDobra #Chesterfield #Futboll #Angli
